Int jaer .m.cccc.lxix., des maendaghes den .xix^en. dach van sporkele, trocken te samen huuter goeder stede van Brugghe mijn heere Ancelmus Adournes, ruddre, heere van Corthuy in Scotlant, Lambrecht vanden Walle, Pieter Reyphin ende Jan de Ghausy, mijns voorseits heeren camerlijnc, tote der stede van Pavyen, om te samen te trecken ten helighen lande, te wetene te Jherusalem ende te Synay.

Twelke voyage wij bijder gracie Gods tsamen vulquamen, ende quamen thuus alte Brugghe up sinte Ambrosius dach, den vierden dach van april, int jaer .lxx. voor paesschen.

Ende om tvoyage te vulcommen, trocken wij van Pavye te Geneuen, daer wij spraken met Loys Inghelberti, de welke was patroon van eender crake, die men aldaer ghereede om zeylen. Ende de patroon zeyde tot ons, hoe dat hij consent hadde van onsen helighen vader den