O behoud der weerelt, o hoghe misterie,
wiens cracht ons ziens ommoghelic zij,
wiens grote gracie, wiens diepe materye,
ziele ende lijf doet beven in my.
Lof uwer miracle, waer of tbely
zo groot es, dat mi tbegrijp ontvecht.
De backeghe te Rome, gheloofder bi,
zo ons Gregorius zelve zecht.
Hugo van Sint Victoors, gods knecht,
zach van hu groot wondre te Parijs:
ghi voert uuts abts handen ten hemel gherecht,
ende Hugo volchde hu int paradijs.
Van allen tonghen hebt lof en prijs,
die ons deelachtich maect der ingle covent.
Lof, wonderlic ghebenedijt Sacrament.

 

De indexen van "Hoofdstukken Nederlands" worden geladen...

De indexen van "Iconografie" worden geladen...