Fyghuere, scriftuere, natuere wijct.
Comparacie, sciencie, costume versciet.
Memorie, verstannesse, redene bezwijct.
Inglen noch menschen ghegrondens niet
hoe God ons zijn helich lichaem liet
teender spize, zijn werdich bloet voor dranc
in eens eeuwichs testaments bediet.
Broot, vleesch, wijn, bloet, noyt zulc ontfanc
gheweldich zijnde inder inglenzanc,
ende gheweldich, zo menne haer levende eerde,
in allen hostyen duer swoorts bedwanc.
Niet, dat dat brood te nieten keerde,
dat hi den apostelen zelve eerst leerde,
maer zijn veranderen wert in Gods lichaem ghewent.
Lof, wonderlic ghebenedijt Sacrament.

De indexen van "Hoofdstukken Nederlands" worden geladen...

De indexen van "Iconografie" worden geladen...