Moeder, conighine vrye,
reyne maghet, Sinte-Marie,
duer deere der bliscap eere
die ghi hadt doe ghi den Heere
droucht, tonser alre vrame,
in uwen precieusen lichame,
so bidt hem dat hi mijn herte roere
te zinen dienste in zulker voere,
als hem eerlic zij ende bequame
ende mi nuttelic ende vrame.

Reyne maghet, Sinte-Marie,
edele conighinne vrye,
gheeft mi troost van minen vernoeye,
duer deere vander groter joeye