ende mi ter dueghet keere,
ende in dit lijf zo wise ende leere
dattic, eert mi ghebreke
so claerlic mine biechte spreke
dat ic, aerm, werdich zij
zinen helighen lichame daer bi
tontfane, te mijnre zielen zalichede,
dattic moete winnen daer mede
rechte hope te ziere ghenadichede.
Maria, vrauwe, staat mi in staden
mids deser bede, te miere bederve.
Ic wil hu XV werven
knielen voor hu beelde, vrauwe,
die ic in uwer ghelike scauwe,
inder ghedijnkenesse ende in der werden
vanden XV blijscepen, die ghi up deerden

De indexen van "Hoofdstukken Nederlands" worden geladen...

De indexen van "Iconografie" worden geladen...