Offerande es Gode een gheest bedrouft,
want zondeghe menschen rauwe behouft.
Omoedich herte met rauwe gheladen,
God Vader, dat zaltu niet versmaden.
Mijn herte es drouve, ende ooc mijn zin
es drouve, dattic niet drouvere bin.
Mijn voys laet voor di commen Vader,
mijn woort, mijn peynsijnghe al te gader,
dat hem gheboocht heeft ende ghespreet,
moete voor di rechtelic zijn gheleet.
So di bequam dat Abel
offerde, zo wil mi also wel
ontfaen bij dijnre ghenaden,
mijn bidden ende alle mine weldaden