Vader, hadstu ghewilt bedi,
offerande hadstu ghehadt van mi.
Emmer en zaltu niet verbliden
in dier offerande over liden.
Doch lye ic, hets mier zonden scult.
Maer Vader, die alle dijnghen vervult
met uwer vulmaectheit zonder beghin,
of ic voor di in fauten bin
vuldoet, want niement el en can.
Mi rouwet dat ic niet eer en beghan
te di te commene om ootmoet.
Zent in mi dijnre minnen gloet,
ende doet mi laten zo menighen traen
dat ic mijn ziele zo reyne mach dwaen,
Dat di mijn offeren zij bequame