Miserere mei Deus,
dat ic in ydelheden dus
hebbe versleten mijn jonghe leven.
Vader, dat wilt mi nu vergheven
na dijnre groter ontfaermicheit.
Sie up mi, Vader, het es mi leit
dat mi niet leet ghenouch en zi
dat ic mesdaen hebbe jeghen di.
Recht als een worm van groter onwerde
boghic mijn aenschijn toter eerde:
in bem niet weert dat ic mijn oghen
di zoude zonder tranen toghen;
doch biedic di mijn handen beede.
Helpt mi, mijn Vader, dat van mi sceede
dese harde memorie ende maec mi zoet,