Ic, aerm zondare, zeere mesmaect,
wel aerme weese, verdoolt, ontraect,
ey, aerme versmade creatuere,
o, onnutte worm, die de fighuere
van mijns godlicxs Vaders beilde
om dese kettiveghe, eertsche weilde,
zo vreimde bem worden dat ic zijn name
niet nomen en dar, des ic mi scame;
no hem ne ghelike, no hem ne minne,
no hem ne ghelieve, noch hem ne kinne,
no hem ne ontsie, noch hem ne vreese,
ende voor hem kniele als een weese,
walghelic zinen zoeten oghen.