Maect, Here, goedertierlike
in dinen wille van duechden rijke
Syon, dat moghe werden ghesticht
Jherusalems mueren ende weder ghericht.
Ontfermichede hebstu ye ghedaen:
du daets Lasaruze up staen,
die ziele zendestu in hem.
Zich up mi Vader, want ic bem
Lazarus, die hem voor di strect;
mine ziele roupt om te zine verwect,
ende ic zal na mijn up verstaen
mids dijnre gracien duecht an ghaen,
ende beteren die mesdaden mijn.