Ende door die menichte dijnre ghenaden
wilt mijnre quaetheit nu ontladen.
Ic scame mi dat ic bem dijn kint
want ic en hebbe di niet ghemint;
ic scame mi dattu mi hebs ghemaect,
ic hebbe zo dicwile dijns messaect;
ic scame mi dattu mi int leven
so vele dijnre gracien hebs ghegheven;
ic scame mi dattu mi scieps zo reine
ende icx di hebbe ghedanct zo cleine,
ende ic mi nu voor dinen oghen
van zonden zo walghelic moet toghen.
Noch roupic an dine ontfermichede:
doet of alle mine quaethede.