Dat alle priesters deden sacrificie
up een huere, dits wonderlic om weten.
Alle Sacramenten in die celebricie
souden een God zijn, ende elc onghespleten.
Exemple, daer vele volx es ghezeten,
mijn woort comt uut mer herte ghevloten
toot in minen mont, ende zonder verghete
duer hu hore in hu herte ghescoten.
Nochtan blivet tghedijnken in mi besloten,
ende gi alle mueghet twoort zijn breedende.
Dus comt Xpristus uut sVaders herte ghesproten
onder spriesters handen nochtan niet sceedende
van hem, maer woort ons allen bereedende,
zijn gratie blivende altoos zinen Vader ontrent.
Lof, wonderlic ghebenedijt Sacrament.

 

De indexen van "Hoofdstukken Nederlands" worden geladen...

De indexen van "Iconografie" worden geladen...